اٹلی کی حکومت نے 2026 سے 2028 تک کے لیے Decreto Flussi پروگرام کے تحت تقریباً 4 لاکھ 97 ہزار 550 غیر یورپی کارکنوں کو قانونی طور پر ملک میں داخلے کی اجازت دینے کا منصوبہ منظور کیا ہے۔
اس پروگرام کا مقصد مختلف شعبوں میں افرادی قوت کی کمی کو پورا کرنا اور قانونی امیگریشن کے راستے کو فروغ دینا ہے۔
سرکاری منصوبے کے مطابق صرف 2026 میں تقریباً 1 لاکھ 64 ہزار 850 ورک پرمٹس جاری کیے جائیں گے، جن کے ذریعے زراعت، تعمیرات، سیاحت، ٹرانسپورٹ، گھریلو خدمات اور دیگر شعبوں میں غیر ملکی کارکنوں کو روزگار کے مواقع فراہم کیے جائیں گے۔
پاکستان سمیت کئی غیر یورپی ممالک کے شہری، اگر اٹلی کے مقررہ قوانین اور شرائط پر پورا اتریں، تو اس پروگرام کے تحت قانونی ورک ویزا حاصل کرنے کے اہل ہو سکتے ہیں۔ تاہم درخواست دینے سے پہلے سرکاری طریقہ کار، کوٹہ اور اہلیت کی شرائط کا مکمل جائزہ لینا ضروری ہے۔
0 تبصرے