اٹلی نیا ڈیپوٹیشن قانون | Italy Deportation New Law For Immigrants 2026

اٹلی میں مقیم پاکستانیوں کے لیے ہائی الرٹ: ذرا سی غلطی پر فوری ملک بدری کا نیا قانون نافذ۔

 تفصیلات کے مطابق اٹلی کی کابینہ نے فروری 2026 میں ایک نیا اور انتہائی سخت سیکیورٹی بل منظور کر لیا ہے جو فوری طور پر نافذ العمل ہے۔ اس نئے قانون (Security Decree) نے غیر ملکیوں کے اٹلی میں قیام اور ملک بدری (Deportation) کے قوانین کو مکمل طور پر تبدیل اور سخت کر دیا ہے۔ 

 نئے قانون کی اہم اور خطرناک تفصیلات: 1

. معمولی جرائم پر ملک بدری: اب ڈی پورٹ ہونے کے لیے کسی بڑے جرم کی ضرورت نہیں۔ عوامی مقامات (پارک، اسٹیشن یا کلبز) پر لڑائی جھگڑا، جیب تراشی، موبائل چھیننا یا بزرگوں سے دھوکہ دہی کرنے پر فوری طور پر آپ کا 'پرمیسو دی سوجورنو' (Permesso di Soggiorno) منسوخ کر کے ملک بدر کر دیا جائے گا۔ 2. احتجاج اور سڑکیں بند کرنا سنگین جرم: اگر کوئی غیر ملکی احتجاج کے دوران سڑک بلاک کرتا ہے یا ٹرین کی پٹریوں پر بیٹھتا ہے، تو اسے اب معمولی غلطی نہیں بلکہ سنگین فوجداری جرم سمجھا جائے گا، جس کی سزا سیدھی گرفتاری اور پرمٹ کی فوری منسوخی ہے۔ 3. ڈی پورٹیشن سینٹرز (CPR) میں بغاوت: اگر کوئی غیر ملکی سی پی آر میں عملے کی بات نہیں مانتا، بھوک ہڑتال کرتا ہے یا خاموش احتجاج کرتا ہے، تو اسے 'بغاوت' قرار دے کر کئی سال کی مزید قید کی سزا دی جائے گی تاکہ ڈی پورٹیشن میں کوئی رکاوٹ نہ آئے۔ 4. پناہ (Asylum) کے کیسز کا فوری فیصلہ: پناہ کی مشکوک اور کمزور درخواستوں کو اب 'فاسٹ ٹریک' کے ذریعے فوری طور پر مسترد کر کے جج کے حکم پر درخواست گزار کو براہِ راست سی پی آر (CPR) منتقل کر دیا جائے گا۔ 5. پولیس کے اختیارات میں اضافہ (DASPO Urbano): پولیس اب محض امنِ عامہ کے خدشے یا شک کی بنیاد پر بھی کسی شخص کو ریلوے اسٹیشنز، ہسپتالوں یا سیاحتی مقامات سے بے دخل کر سکتی ہے۔ حکم نہ ماننے پر گرفتاری ہو گی۔ یہ اٹلی حکومت کی مکمل طور پر 'زیرو ٹالرنس' پالیسی ہے۔ تمام پاکستانیوں سے گزارش ہے کہ موجودہ حالات میں قانون کی سختی سے پابندی کریں اور کسی بھی قسم کے غیر ضروری جھگڑے، احتجاج یا غیر قانونی سرگرمی سے دور رہیں۔