اٹلی حکومت کا 2025 کے آغاز سے Luce Gas بونس دینے کا اعلان کر دیا گیا بونس کے تحت زیادہ سے زیادہ 160 یورو تک مل سکیں گے پاکستانیوں سمیت غیر ملکیوں کیلئے بجلی گیس بونس سے متعلق بڑی خوشخبری۔
تفصیلات کے مطابق اطالوی حکومت کی جانب سے بجلی اور گیس کا بونس دینے کا اعلان کر دیا گیا ہے سال 2025 کیلئے جس میں زیادہ سے زیادہ 160یورو تک کا بونس مل سکے گا پاکستانیوں سمیت غیر ملکی بھی اس Luce Gas بونس سے بھرپور فائدہ حاصل کر سکتے ہیں کیونکہ اطالوی حکومت کی جانب سے بونس لینے کیلئے کچھ زیادہ شرائط نہیں رکھی گئی بلکہ آپ اپنے ایزوں کی بنیاد پر اس 160 یورو کے بونس کیلئے اپلائی کر سکتے ہیں اگر آپکے ایزے حکومت کی شرائط کے مطابق ہیں تو آپکو 100 فیصد بونس ملے گا۔
خیال رہے بجلی گیس بونس لینے کیلئے آپکو سب سے پہلے اپنے ایزوں کو سال 2025 پر اپڈیٹ کراونا ہو گا جس کے بعد آپ بجلی گیس بونس 160 یورو کیلئے اہل ہوں گے۔
جبکہ بونس کو لینے کیلئے حکومت کی طرف سے پہلے نمبر پر جو ایزوں کی شرط رکھی گئی ہے اُس کے مطابق آپکے ایزے 9 ہزار 530 یورو تک ہیں یا پھر اس سے کم ہیں تو آپ بونس Luce Gas لینے کے حقدار ہیں اگر بچے 4 سے زیادہ ہیں تو ایسی صورت میں ایزوں کی شرط 20 ہزار یورو کی گئی ہے۔
خیال رہے کہ اگر کسی فیملی میں ایک یا دو ممبر ہیں تو آپکو 113 یورو ملیں گے اگر آپ ایزوں کی شرائط پر پورا اُترتے ہیں جبکہ تین فیملی ممبرز ہیں تو 140 یورو تک ملیں گے جبکہ جس فیملی میں چار یا اس سے زیادہ ممبرز ہیں تو 160 یورو تک بونس ملے گا خیال رہے بونس Luce Gas آپکو سالانہ ملے گا اور اس کیلئے دوماندہ کرنے کی ضرورت نہیں آپکے ایزوں کو مد نظر رکھتے ہوئے آپ پر یہ بونس لاگو کر دیا جائے گا۔
0 تبصرے